Yevlax sakini yeni və müasir silahın sxemini hazırlayıb. Silah 5 kilometr məsafədən hədəfi məhvetmə gücünə malikdir. Rayon sakini sxemi adiyyəti qurumlara da təqdim edib.

Xəzər xəbər-in məlumatına görə, Yevlaxın Aşağı Qarxun kənd sakini Vüqar Abdullayev uzun illərdir üzərində çalışdığı ixtiranın sxemini tamamlayıb. Hərbi Optik Lazer adlanan qurğu 2 nəsildən ibarətdir.

Vüqar Abdullayevin iddiasına görə, bir sıra özəllikləri ilə seçiləcək yeni silah dünyada bir ilkdir.

35-50 kq çəkiyə malik olacaq yeni silah hərbi texnikalara quraşdırılmaqla yanaşı, iki əsgər tərəfindən də rahat hərəkət etdiriləcək. Vüqar Abdullayev nanotexnologiya əsasında ərsəyə gələcək silahın hazırlanması üçün maddi dəstəyə ehtiyac olduğunu deyir.

Vüqar Abdullayev hazırladığı silah sxemini Milli Elmlər Akademiyasına və digər adiyyəti qurumlara da təqdim edib.