Ana səhifə Toplum |
Dövlət reyestrində qeydiyyata alınmayan binalarda mənzillərin satışı sakinlərin müxtəlif problemlərlə üzləşməsinə səbəb olur. Buna görə də belə binalarda mənzillərin satışına qadağa qoyulmalıdır.
Bu təklif Ombudsmanın 2018-ci il üzrə illik məruzəsində qeyd olunub.
Ekspertlər də bildirir ki, belə binalardan mənzil alan vətəndaşlar bir neçə problemlə qarşıla bilər.
Əmlak üzrə ekspert Nofəl Quliyevin Xəzər Xəbər-ə açıqlamasına görə, əslində MTK rəhbərləri binalarının dövlət reyestrindən keçməməsində özləri maraqlıdır. Həmin binalarda satışa çıxarılan mənzillərin əmlak qeydiyyatı olmadığından alğı-satqı MTK-lar tərəfindən həyata keçirilir. Burda isə vətəndaş adi bir müqavilə üçün 3-8 min manat arasında bir məbləğ ödəyir. Eskpert hesab edir ki, belə binalarda mənzil alğı-satqısı üçün vahid bir sistem yaradılmalıdır. Əks halda bu məsələ problem olaraq qalacaq.
Ekspert onu da bildirib ki, risklərə baxmayaraq, dövlət reyestrində qeydiyyata alınmayan binalarda mənzillərə tələbat da çoxdur. Bu isə onların qiymətinin nisbətən ucuz olması ilə bağlıdır.
Tarix
2019.03.03 / 21:15
|
Müəllif
Axar.az
|