Bakıda "Sənaye ili" ilə bağlı Beynəlxalq Sənaye Konfransı keçiriləcək.

İqtisadiyyat və Sənaye Nazirliyindən Axar.az-a verilən məlumata görə, 12 mart 2014-cü il tarixli Sərəncam ilə təsdiq edilmiş "Azərbaycan Respublikasında 2014-cü ilin "Sənaye ili" elan edilməsi ilə bağlı Tədbirlər Planı"na uyğun olaraq, 26-27 noyabr tarixlərində Bakıda "XXI əsrdə sənayeləşmə: Sənaye siyasətində əsas trendlər, müasir yanaşma və təcrübələr" mövzusunda Beynəlxalq Sənaye Konfransı keçirililəcək.

İqtisadiyyat və Sənaye Nazirliyinin, BMT-nin Sənaye İnkişafı Təşkilatının (UNIDO) və Almaniya Beynəlxalq Əməkdaşlıq Cəmiyyətinin (GİZ) birgə təşkilatçılığı ilə keçiriləcək konfransda bir sıra ölkələrin dövlət qurumlarının, araşdırma mərkəzlərinin, sənaye sahəsində fəaliyyət göstərən şirkətlərin, beynəlxalq təşkilat və maliyyə institutlarının nümayəndələri iştirak edəcək.