Ana səhifə Toplum |
Prezident İlham Əliyevin sərəncamı ilə Bakı Dövlət Universitetinə rektor təyin edilən Elçin Babayevlə bağlı sosial şəbəkələrdə müxtəlif fikirlər yazılır. Yeni təyinatla bağlı rəylərini yazan şəxslər əsasən onun gənc olmasını və məşhur ziyalı ailədə böyüməsini vurğulayırlar.
Axar.az Bakı Dövlət Universitetinin yeni rektoru Elçin Babayevlə bağlı sosial şəbəkədə yazılmış fikirlərdən bəzilərini təqdim edir:
Təhsil eksperti Etibar Əliyev: “Onun psixoloji portretini belə cızardım: öz üzərində çalışan, möhkəm xarakterli və intizamlı”.
Millət vəkili Fazil Mustafa: “E.Babayev vəzifəsindən istifadə edərək, qalaq-qalaq onun-bunun yazdığı kitablara öz adını soxuşdurmayıb, imkanlardan istifadə edərək özünü elmlər doktoru, akademik adlarına calaq etməyib (Elçin Babayev elmlər namizədidir – red.)”.
Təhsil eksperti Kamran Əsədov: “Yeni rektorun 5 illik fəaliyyəti dövründə BDU-nun əvvəlki nüfuzunu bərpa edəcəyinə ümid edirəm”.
Elçin Babayevin tələbəsi Bəhruz Orucov: “Elçin müəllim dərsi elə maraqlı izah edir ki, onun bundan öncə kosmosda olması ilə bağlı təəssürat yaranır. Xarakterli, intellektual-savadlı, kübar, intellektli, ciddi bir şəxs kimi xatirimdə qalıb”.
Tarix
2019.03.13 / 12:58
|
Müəllif
Firuzə Vahidqızı
|