Xətai rayonunda yerləşən 316 saylı uşaq bağçasının həyətyanı sahəsində 320 nəfərlik uşaq və işçi heyətinin iştirakı ilə “Elimizə bahar gəlir” adı tədbir keçirilib.

Axar.az xəbər verir ki, tədbirdə Ekologiya və Təbii Sərvətlər Nazirliyinin sektor müdiri Şövkət Bəkirov, Bakı şəhəri Xətai Rayon Təhsil Müəssisələri və Uşaq Evləri İdarəsinin rəis müavini Teymur Mehdiyev, Qarabağ Əlilləri və Veteranları İctimai Birliyinin Yasamal rayon təşkilatının sədri Bəhram Şeydayev, Xətai Rayon Bələdiyyəsinin sədr müavini və nümayəndələri edib.

Tədbirdə uşaqların rəqsləri, maraqlı kompozisiyalar və səhnəciklər nümayiş etdirilib.

Qeyd edək ki, “Elimizə bahar gəlir” tədbiri Ekologiya və Təbii Sərvətlər Nazirliyi tərəfindən respublikanın rayonlarında yaz ağacəkmə aksiyaları çərçivəsində baş tutub. ETSN-nin başlatdığı aksiyaya 316 saylı uşaq bağçası da qoşulub və nazirlik tərəfindən verilmiş 100 ədəd müxtəlif cinsdən olan meyvə və həmişəyaşıl ağaclar bağçanın həyətində uşaq və işçilərin iştirakı ilə əkilib.