19:45

Ötən günlərdə İrana yağan güclü yağışların Türkmənsəhrada həyatı iflic etməsindən sonra əhali kömək gözləyir.

Axar.az xəbər verir ki, qardaş Türkiyədə bir neçə məscidin mollaları minarədən xalqı insan itkisi ilə nəticələnən sel fəlakətindən dolayı əziyyət çəkən insanlara mənəvi dəstək olmağa və onlar üçün dua etməyə səsləyib.

"İranda türkmənlərin yaşadığı Ağ qala şəhərində sel fəlakəti yaşanıb. Həmin insanlar onsuz da sıxıntı içindədirlər. Müsəlman qardaşlarımız bizdən dua istəyirlər", - çağırışda bildirilib.

Qeyd edək ki, təbii fəlakət Günbəd Kavus, Ağ Qala, Qaimşəhr kimi şəhərlərdə yüzlərlə evi dağıdıb, infrastrukturu tamamilə məhv edib.

***

Türkmənsəhrada yaranan gərgin durumdan sonra kömək gözləyən əhaliyə Güney azərbaycanlılar yardım əlini uzadıb. Sulduz, Ərdəbil, Marağa və digər şəhərlərdən iflic vəziyyətdə olan Türkmənsəhraya yemək, su, çadır və geyim yardımı edilib.