Bu gün axşam saatlarında Bakı-Astara magistralında ağır yol-nəqliyyat hadisəsi baş verib.

Aznews.az-ın hadisə yerində olan əməkdaşının verdiyi məlumata görə, Salyandakı Yol Polisi Postunun yaxınlığında 90 NP 125 nömrə nişanlı VAZ-21015-lə 10 NJ 808 nömrə nişanlı "Mersedes" markalı avtomobil toqquşub. Hadisə nəticəsində VAZ-21015-in sürücüsü hadisə yerində keçinib, sərnişini isə ağır yaralanıb. "Mersedes"in də sürücüsünün ciddi xəsarətlər aldığı bildirilir. Hər iki yaralı Salyan Mərkəzi xəstəxanasına aparılıb.

Hadisə yerinə yol polisi əməkdaşları, eləcə də Fövqəladə Hallar Nazirliyinin xilasediciləri cəlb edilib.

Qəzaya düşən avtomobillərin fotolarını təqdim edirik: