Abşeron rayon icra başçısı İradə Gülməmmədovanın Saray qəsəbəsində aprelin 13-ü toy mərasimi keçirəcək ailənin evini sökdürdüyü haqda məlumat yayılıb. Bildirilir ki, ailə həmin evdə 1999-cu ildən yaşayır.

Məsələ ilə bağlı Abşeron rayon İcra Hakimiyyətindən Axar.az-a bildirilib ki, sözügedən ev İcra Hakimiyyəti tərəfindən sökülməyib:

“Həmin evin sökülməsinin Abşeron rayon İcra Hakimiyyəti ilə heç bir əlaqəsi yoxdur. Bu barədə yalnız məhkəmə icraçıları danışa bilər. Bu, iki vətəndaşın arasında baş verən problemdir və məhkəmə çəkişməsinin nəticəsidir”.