GUAM-a sədrlik dönəmi Ukraynaya keçib.

Axar.az xəbər verir ki, bu açıqlama ilə Ukraynanın Xarici İşlər naziri Pavel Klimkin öz Tvitter səhifəsində çıxış edib.

O, GUAM-a yeni məzmunun gətirilməsinin gərəkdiyini bildirib:

"Əvvəlcə mən təşkilatda bütün danışıqların rus dilində yox, ingiliscə aparılmasını təklif etdim. Hamı təklifi qəbul elədi".

Nazir həmçinin təşkilatın görüşünün İsveçrənin Bazel şəhərində keçirildiyini də göstərib.

Qeyd edək ki, GUAM təşkilatı 1997-ci ildə yaradılıb. Onun tərkibinə Gürcüstan, Ukrayna, Azərbaycan və Moldova daxildir. Təşkilata 1999-2005-ci illər arasında Özbəkistan da üzv olub.