Türkiyədə yaşayan azərbaycanlı professor Toğrul İsmayıl maraqlı paylaşım edib.

Axar.az xəbər verir ki, professor XIX əsrdə Anadoluda yaşayan erməni qızların Osmanlı dövlətinə xəyanətini əks etdirən foto paylaşıb.

Fotoda hərbi geyimdə olan iki silahlı erməni qız əks olunub. T.İsmayıl fotonun Rusiya arxivinə aid olduğunu və 1895-ci ildə çəkildiyini qeyd edib.

Həmin fotonun çəkildiyi il Daşnaksütyun Partiyasının yaradıldığı vaxtlara (1890) təsadüf edir.

Bu foto bir daha təsdiq edir ki, ermənilər Osmanlı dövlətinin tərkibində yaşadığı vaxtlarda öz dövlətlərini hər vəchlə arxadan vurmağa çalışıblar. Nəinki erməni kişilər, hətta erməni qadınlar da silaha sarılaraq, onları qoruyan, himayə edən Osmanlı dövlətinə qarşı döyüşüblər. Təbii, bu işdə onlar Rusiya imperiyasının dəstəyinə güvəniblər.

Birinci Dünya müharibəsi başlayandan sonra isə ermənilər Osmanlıya qarşı daha radikal mövqe tutub, silahlı təxribatlara əl atıblar. Bunun müqabilində Osmanlı sultanı onların zərərsizləşdirilməsi ilə deyil, köçürülməsi ilə bağlı göstəriş verib.

Lakin təəssüf ki, dünya ikili standartlar sərgiləyərək, bu köçürülmə siyasətinə soyqırım donu geyindirməyə çalışır və bundan Türkiyəyə təzyiq vasitəsi kimi istifadə edir.