İsrailin Azərbaycandakı fövqəladə və səlahiyyətli səfiri Rafael Harpaz Qubaya qeyri-rəsmi səfərə gedib.

Axar.az-a daxil olan məlumata görə, səfir Qubada evinə basqın edilən yəhudi icması rəhbəri Boris Simanduyevi və onun bıçaqlanan bacısı Liza Simanduyevanı ziyarət edib.

Qeyd edək ki, dekabrın 6-da naməlum şəxslər Quba rayonu Qırmızı Qəsəbə kənd sakini, Dağ Yəhudiləri Dini İcmasının rəhbəri Boris Simanduyevin evinə basqın edib. Evə soxulan 3 nəfər şəxs Boris Simanduyevə və onun bacısı Liza Simanduyevaya ağır xəsarət yetiriblər. Cinayətkarlar evdən 130 min manata yaxın pul, eləcə də qızıl-zinət əşyaları oğurlayıblar.