12:53

Metronun "İnşaatçılar" stansiyasında ölüm hadisəsi baş verib.

Bakı Şəhər Təcili və Təxirəsalınmaz Tibbi Yardım Stansiyasından Publika.az-a verilən məlumata görə, Stansiyaya 62 yaşlı qadının halının pisləşməsi ilə bağlı müraciət edilib. Təcili yardım həkimləri hadisə yerinə çatanda artıq qadın dünyasını dəyişmiş olub.

13:06

Bakı Metropoliteninin Mətbuat xidmətinin rəhbəri Nəsimi Paşayev Axar.az-a verdiyi açıqlamasında məlumatı təsdiqləyib.

Onun sözlərinə görə, hadisə dünən saat 16:12-də baş verib:

"Metropoliten əməkdaşı 1952-ci il təvəllüdlü Əliyeva Həlimənin iş vaxtı qəflətən halı pisləşib. Təcili tibbi yardım maşını çağırılıb. Həkimlərin səyinə baxmayaraq, onun həyatını xilas etmək mümkün olmayıb. Mərhumun əvvəlcədən ürəktutması var idi".