Qaradağ rayonundakı Heydər Əliyev Mərkəzində İqtisadi və Sosial İnkişaf Mərkəzi (CESD) və PH İnternəşnl təşkilatının dəstəyi ilə reallaşan “Yerli İcmaların İmkanlarının artırılması Təşəbbüsləri” layihəsi çərçivəsində millət vəkili Aydın Hüseynovla görüş keçirilib.

Axar.az xəbər verir ki, görüşdə radikal qruplara qoşulmağın ziyanları, səbəbləri və ölkəmizdə bu istiqamətdə görülən işlər müzakirə olunub.

Tədbirdə çıxış edən CESD-nin sədri Vüqar Bayramov bu görüşdə əsas məqsədin radikalizmə qarşı mübarizə tədbirləri və eləcə də multikulturalizm ənənələri barədə müzakirələr aparmaq olduğunu vurğulayıb.

Millət vəkili Aydın Hüseynov Azərbaycanda və eləcə də Qaradağ rayonunda radikalizmə qarşı aparılan tədbirlər və onların nəticələri barədə fikirlərini bölüşüb.

CESD-nin eksperti Rəşad Həsənov fərqli ölkələrin modellərinə, eləcə də beynəlxalq indekslərə diqqət çəkib. O bildirib ki, radikallaşmağa qarşı mübarizə aparan zaman psixoloji məqamlar da nəzərə alınmalıdır.

Daha sonra digər tədbir iştirakçıları da öz fikirlərini bölüşüblər.