Hüquqşünas Fərhad Mehdiyev cinayət işləri ilə məşğul olanlar (vəkil, hakim, müstəntiqlər) üçün sərxoşluğun dərəcələri və bəzi sərxoşların hansı halda cinayətə meyilli olması barədə yazıb.

Axar.az xəbər verir ki, hüquqşünas sərxoşluğunun 3 dərəcəsi olduğunu bildirərək, onlar haqqında məlumat verib:

“Alkoqol (etil spirti) sərxoşluğunun 3 dərəcəsi var - yüngül, orta və ağır.

1. Yüngül sərxoşluq (qanda 0.5%-1.4% etil spirtinin olması) - insanı mülayim və xoşgörülü edir. Bu sərxoşluq dərəcəsi insanın aqressivliyini azaldır. Yəni bu adam həmin vəziyyətdə zorakılığa yox, barışmağa və bağışlamağa meyilli olur.

2. Orta dərəcəli sərxoşluq (qanda 1.5%-2.4% etil spirtinin olması) - ən aqressiv sərxoşluq halıdır. Belə halda insanlar zorakılığa, hücuma, davaya meyilli olur.

3. Ağır dərəcəli sərxoşluq (qanda 2.5%-3% etil spirtinin olması) - bu vəziyyətdə insan özündən gedir, şüuru bulanıqdır. Aqressiv olmur, zorakılığa meyil edəcək halı olmur”.