Ana səhifə Toplum |
Azərbaycan Dillər Universitetinin (ADU) rektoru, akademik Kamal Abdulla Amerika Birləşmiş Ştatlarının ölkəmizdəki səfiri Örl Litzenbergerlə görüşüb.
Axar.az xəbər verir ki, Kamal Abdulla “Səfir saatı”nda tələbələrlə görüşmək təklifini qəbul edib gəldiyi üçün səfirə təşəkkür edib. Rektor Azərbaycanda ABŞ səfirinə daim böyük ehtiram və hörmət olduğunu deyib. Azərbaycanın çoxmillətli ölkə olduğunu deyən universitet rəhbəri multikulturalizm siyasətinin ölkəmizdə uğurla həyata keçirildiyini xüsusi vurğulayıb. Kamal Abdulla Azərbaycan Prezidenti İlham Əliyevin təşəbbüsü ilə 5 ildir fəaliyyət göstərən Bakı Beynəlxalq Multikulturalizm Mərkəzi haqqında danışıb.
Səfir Örl Litzenberger səmimi qəbula görə təşəkkürünü bildirib. O, ikinci dəfə qonaq olduğu ADU-da xoş münasibətlə qarşılandığına görə şad olduğunu deyib. Səfir Azərbaycanın mədəniyyəti, azərbaycanlıların qonaqpərvərliyi, dostluq münasibətləri və ləziz mətbəxinin yüksək təəssürat yaratdığını qeyd edib.
Hökumət nümayəndələri ilə keçirilən görüşlərdən danışan səfir onlarda ikitərəfli əlaqələrin inkişaf etdirilməsində böyük istək müşahidə etdiyini diqqətə çatdırıb.
Tarix
2019.05.20 / 17:30
|
Müəllif
Axar.az
|