Hər il olduğu kimi, bu il də dekabrın 15-də Bakı Slavyan Universitetində "Bir günlük xəlifə" layihəsi çərçivəsində universitetdəki bütün əsas vəzifələri tələbələr tutacaq.

BSU Magistrantlar Şurasından Axar.az-a verilən məlumata görə, tələbə özünüidarəetmə günündə magistratura şöbəsi aşağıdakı tədbirləri həyata keçirəcək: 13:30-da Azərbaycan Respublikası Prezidenti yanında Bilik Fondu ilə birlikdə kulturoloq Fuad Məmmədovla Disput klub təşkil ediləcək. AR Prezidenti yanında Bilik Fondunun icraçı direktoru Oktay Səmədov qonaq olacaq və fondun digər əməkdaşları tədbirə qatılacaq; 16:00-da Lider TV-nin jurnalisti Rövşən Raqifoğlunun iştirakı ilə "Bədən dili" mövzusunda psixoloji seminar düzənlənəcək.

"Bir günlük xəlifə" layihəsində 3 mərhələdən qalib çıxan və rektor, prorektor, dekan və şöbə müdirləri vəzifələrini tutan tələbələr müxtəlif layihələr gerçəkləşdirəcək.