"20 Yanvar" stansiyasının girişindəki qapılar təhlükəsizlik məqsədi ilə bağlanıb".

Bu barədə Axar.az-a "Bakı Metropoliteni" QSC-nin İctimaiyyətlə əlaqələr şöbəsinin rəisi Nəsimi Paşayev deyib. Şöbə rəisi qapıları bağlamaqla yaşana biləcək hər hansı bir problemin qarşısını aldıqlarını bildirib:

"20 Yanvar" stansiyasının girişindəki qapıların bağlanması təhlükəsizlik məqsədi ilə bağlı sərnişin axınını nizamlamaq üçün görülən tədbirlərdən biridir. Metropoliten işçiləri insanları tək-tək buraxmaqla onları daha etibarlı yoxlayır və bununla yaşana biləcək hər hansı problemin qarşısını alır. "Bakı Metropoliteni"nin fəaliyyətində heç bir problem yoxdur".

Qeyd edək ki, bu gün səhər saatlarında metronun "20 Yanvar" stansiyasının girişindəki qapıların birindən başqa hamısı qapalı olub. Bunun da nəticəsində metronun giriş hissəsində böyük sıxlıq yaranıb.