Yuxarı

BNA heç nə edə bilmir, DİN müdaxilə etməlidir – Ekspert

Ana səhifə Toplum
12 Punto 14 Punto 16 Punto 18 Punto

“Diqlas” Ticarət Mərkəzinin qarşısındakı yolda yaşanan durum biabırçılıqdır. Bu gün bu durumun qarşısını ancaq və ancaq Bakı Nəqliyyat Agentliyi ala bilər. Necə ki, müəyyən ərazilərə kameralar yerləşdirməklə 5-10 dəqiqədən artıq park edənləri cərimələməklə problemi həll etdilər. Ancaq bu təkcə müşahidə kameraları ilə görüləcək iş deyil.

Bu sözləri Axar.az-a yol-nəqliyyat eksperti Elməddin Muradlı söküntüsü aparılan “Diqlas” Ticarət Mərkəzinin qarşısındakı yolun bir zolağında avtomobillərin park edilməsi ilə bağlı danışarkən deyib.

E.Muradlı bildirib ki, bu gün Bakıda dayanma-durma və parklanma ilə bağlı problem öz həllini tapmayıb:

“Bildiyim qədərilə, həmin ərazidə müşahidə kameraları var. Məhz bu kameralar vasitəsilə yolun hərəkət hissəsində avtomobil park edənləri müəyyən etmək olar. Ancaq problem təkcə kameralar vasitəsi ilə müəyyən edib cərimələməklə həll ediləsi bir məsələ deyil”.

E.Muradlı bildirib ki, BNA əraziyə əməkdaşlarını qoymalıdır, əməkdaşlar xidməti avtomobillə ərazidə dayanmalı, orada maşın park etməyə icazə verməməli, dayananları isə cərimələməlidir:

“Diqlası”n söküntüsü üçün çəkilən hasarın önündə, prospektin bir zolağını zəbt etməklə maşınların saxlanılmasına nəzarət edən, qoluna xüsusi işarə bağlayan şəxslər BNA-nın əməkdaşları deyil. Mən bunu sizə əminliklə deyirəm. Çünki BNA indiyə qədər yeraltı dayanacaqlardan başqa heç bir dayanacağa nəzarət edə bilmir. Çünki tam təhvil ala bilməyib.

Orada dayanan maşınlara nəzarət edən şəxslər “ASA İsgəndər Holdinq” adlanan bir şirkətin işçiləridir. Onlar iddia edirlər ki, vaxtilə Hacıbala Abutalıbov Bakı Şəhər İcra Hakimiyyətinin başçısı olanda Bakı şəhərində 120 parkinqin idarə edilməsini rəsmi müqavilə əsasında onlara həvalə edib. İndi Bakı Şəhər İcra Hakimiyyətinin parkinqlərə nəzarəti əlindən alınsa da, həmin müqavilə qüvvədə olduğuna görə şirkət yaranmış bu boşluqdan istifadə edərək daha böyük əraziləri zəbt edib. Bakıda demək olar ki, bütün dayanacaqlar həmin o şirkətin nəzarətindədir. İndi o şirkətin rəhbərinə sual vermək lazımdır ki, axı sizə 120 parkinq yeri veriblər, siz niyə hər boş əraziyə öz əməkdaşınızı qoymusunuz?”

Ekspert əlavə edib ki, Daxili İşlər Nazirliyi buna müdaxilə etməlidir:

“BNA bununla bağlı aidiyyəti qurumlara da müraciət edib.

Bu şirkət nümayəndələri özbaşına qəbz çıxarırlar, pul yığırlar. Bir çox hallarda pul verməyən sürücülərə hədə-qorxu gəlirlər, cərimə yazmaqla qorxudurlar. Bu gün bu məsələyə görə cərimə yazmaq səlahiyyəti Bakı Nəqliyyat Agentliyindədir ki, onlar da hələ bir çox dayanacaqları təhvil almayıb.

Əgər BNA bütün parkinqlərə nəzarət edə bilmirsə, o zaman digər səlahiyyətli qurumlar məsələyə müdaxilə etməlidir. Yoxsa hələ uzun müddət bu problem davam edəcək”.

Qeyd edək ki, yanan “Diqlas” Ticarət Mərkəzinin söküntüsünə 22 maydan başlanılıb. Bu məqsədlə bina hasarlanıb və təhlükəsizlik üçün hasar Q.Qarayev prospektinin bir zolağını da əhatə edib. Prospektin digər zolağında isə qanunsuz parkinq qurulub, nəticədə maşınların hərəkəti üçün yalnız bir zolaq qalıb ki, bu da tıxaclara səbəb olur.

Qanunsuz, prospektin bir zolağında qurulan parkinqlə üzbəüz beşmərtəbəli, ən müasir tələblərə cavab verən parkinq mövcuddur.

Tarix
2019.06.12 / 16:51
Müəllif
Nigar İxtiyarqızı
Şərhlər
Digər xəbərlər

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla