ABŞ Hindistana F-35 təyyarələrini təklif edə bilər.

Axar.az xəbər verir ki, bu məlumatı “Ekonomik Tayms” qəzeti yayıb. Məqalədə bunun üçün Hindistanın S-400-lərin alışından imtina etməsi gərəkdiyi bildirilib:

“Hindistan da Türkiyə kimi S-400-lərin alışıyla bağlı mövqeyini dəyişmir. Lakin bəllidir ki, bu müqavilə ilə bağlı qismən ödəniş belə Dehliyə qarşı ABŞ sanksiyalarını mümkün hala çevirir.

Hindistanın S-400 alışını əngəlləmək üçün ABŞ hava hücumu və raket hücumundan müdafiə sistemi olan NASAMS II sistemlərini Dehliyə təklif edib. Bununla bərabər, ABŞ Hindistana THAAD və “Patriot” sistemlərinin tədarükü üçün danışıqlar aparır”.