Bu gün səhər saatlarında Bakı-Ələt-Qazax-Gürcüstan Respublikası ilə dövlət sərhədi avtomobil yolunun 18-ci kilometrliyində qəza baş verib. Yük maşını piyada keçidinə çırpılıb.

Azərbaycan Avtomobil Yolları Dövlət Agentliyindən Axar.az-a verilən məlumata görə, “Şaqman” markalı 99 DF 915 dövlət nömrə nişanlı yük maşını Bakı şəhəri istiqamətində hərəkətdə olarkən yerüstü piyada keçidinə çırpılıb. Qəza zamanı yerüstü piyada keçidi və içərisində olan lift sıradan çıxıb.

Baş vermiş avtomobil qəzası nəticəsində yol təsərrüfatına ciddi ziyan dəyib.

Hazırda qəzanın fəsadları Azərbaycan Avtomobil Yolları Dövlət Agentliyi tərəfindən aradan qaldırılır.