Axar.az
Yuxarı

Minsk Bakıya bənzəmək üçün nələr edir?

Ana səhifə Toplum
12 Punto 14 Punto 16 Punto 18 Punto

Bu günlərdə Belarusun paytaxtında İkinci Avropa Oyunlarının açılışı oldu. Minskə 50 ölkədən 5 mindən çox atlet gəlib. Sanki şəhərin əhalisi iki dəfə artıb.

Azərbaycan bu yarışlarda 80 idmançı ilə təmsil olunur. Minskə həmçinin 32 məşqçi, 15 inzibati işçi və 5 tibbi əməkdaş ezam olunub.

Bundan əlavə Azərbaycandan İkinci Avropa Oyunlarına həmçinin azarkeşlərdən ibarət dəstək qrupu da gedib. Belə ki, ölkəmizin bayrağı və digər simvolları ilə “silahlanmış” 40-dan çox azarkeş azərbaycanlı idmançıların hər çıxışını dəstəkləyir.

“Biz azərbaycanlı azarkeşləri demək olar ki, dünyanın hər bir yerində dəstəkləyirik. Bu gün Minskdə Azərbaycan azarkeşləri ən çoxsaylı və yaddaqalan azarkeş qruplarından biridir – böyük bayraq pankartları, Azərbaycan atributları, himni hamıdan ucadan oxuyuruq. Bütün bunlar idmançılarımıza xaricdə kömək edir və əlavə inam verir”, - Axar.az-ın müxbiri ilə söhbətdə azərbaycanlı azarkeşlərdən Bəxtiyar Əliyev deyir.

Onun sözlərinə görə, əgər digər yarışlarda Azərbaycanın sevməyənlər müxtəlif təxribatlara əl atırdılarsa, Minskdə bununla bağlı vəziyyət hələlik normaldır.

“Belarus azarkeşləri həm bizə, həm də ermənilərə loyal yanaşır. Misal üçün dünənki görüşü yada salmaq olar: cüdo üzrə yarışların ikinci günündə azərbaycanlı cüdoçu Rüstəm Orucov (73 kq çəkiyə qədər) finalda isveçli Tommi Masiasuya uduzdu və gümüş medal qazandı. Lakin ən maraqlısı dörddəbir finalda baş vermişdi – Orucov erməni cüdoçu Karapetyanla üz-üzə gəlmişdi. Biz idmançımızı o qədər güclü və ucadan dəstəkləyirdik ki, azsaylı erməni azarkeşləri hətta bayraqlarını belə qaldırmağa utanırdılar. Rüstəmə təşəkkür edirik ki, o da üzərinə düşən öhdəliyi bacardı və inamla erməniyə qalib gəldi”, - Əliyev qeyd edib.

Avropa Oyunlarının təşkilatından danışan Bəxtiyar Əliyev qeyd edib ki, Minsk Oyunların keçirilməsi modelini Bakıdan mənimsəyib.

“Hər şey Bakıdakı kimidir – fan-zonalar, xüsusi avtobuslar üçün xətlər, biletlərin satışı, atributların satış mərkəzi, yarmarkalar, təqdimat meydançaları...

Bakı çox yüksək səviyyədə Oyunları təşkil etmişdi və bundan sonra hamı bizim modelə bərabər olmağa çalışacaq”, - o deyib.

Qeyd edək ki, İkinci Avropa Oyunlarının ilk iki günündə Azərbaycan millisi səkkiz medal – dörd gümüş və dörd bürünc - qazanıb.

Tarix
2019.06.24 / 15:52
Müəllif
Əli, Seymur
Şərhlər
Digər xəbərlər

Allahşükür Paşazadənin müşaviri vəfat etdi

“Kontakt” 2022-ci ilə böyük endirim kampaniyası ilə start verdi

Müharibədən sonrakı reallıqlar... – Təlim başladı

Daha 67 hektar ərazi minalardan təmizləndi

Ermənistanın cinayətləri ilə bağlı xüsusi dinləmə keçiriləcək

Bakıda daha bir məktəb koronaya görə bağlandı

Baş Prokurorluqda kollegiya iclası başladı

Bakıda bu küçədə hərəkət birtərəfli oldu - Video

Daha 268 nəfər toylara buraxılmadı

Sumqayıtda ev yandı: ölən var

KULT
<>
Xəbər xətti
  
  
  
  
Axar.az'da reklam Bağla
Reklam
Bize yazin Bağla