Yeni il bayramı ilə əlaqədar olaraq azərbaycanlıların Gürcüstana axını müşahidə olunur.

Axar.az-a dəmiryol və avtomobil vağzallarından verilən məlumata görə, bayram ərəfəsində Gürcüstan paytaxtı Tiflisə gedənlərin sayında nəzərə çarpacaq qədər artım var.

Vağzallarda Tiflis istiqamətinə gedən qatarların və avtobusların sayı artırılıb. Müxbirimiz kassalardan öyrənib ki, artıq Tiflisə bilet tapmaq müşkülə çevrilib.

Xatırladaq ki, Azərbaycan paytaxtından Yeni ili Tiflisə getmək getdikcə ənənə halını almaqdadır. Bu mənfi tendensiyanın səbəbi isə Tiflis restoranlarında otel və restoranların daha keyfiyyətli və daha ucuz xidmət göstərməsidir.

Təəssüf ki, müştəri itirmələrinə baxmayaraq, paytaxt Bakıda və bölgələrdə qiymətlər hələ də tənzimlənmir.