Bakıda nəqliyyat sıxlığının aradan qaldırılması üçün parklanma ilə bağlı həyata keçiriləcək tədbirlər müəyyənləşdirilir.

Bakı Nəqliyyat Agentliyindən Real TV-yə verilən məlumata görə, hazırda paytaxtdakı parklanma yerləri təhlil edilir və yaxın gələcəkdə onlar içərisində nəqliyyat sıxlığı yaradanlar ləğv ediləcək.

Bakı Nəqliyyat Agentliyinin İctimaiyyətlə Əlaqələr şöbəsinin müdiri Mais Ağayev parkinq qiymətlərinin də yaxın gələcəkdə açıqlanacağını bildirdi. Belə ki, paytaxtda zonalar müəyyənləşdiriləcək və hər zonaya görə müxtəlif tariflər tətbiq olunacaq.

Məlumata əsasən parklanma yerlərinin idarəolunması işləri artıq yekunlaşmaq üzrədir. Sıxlığa səbəb olan parkinqlər və tariflər müəyyənləşdikdən sonra yaxın aylarda işlərin icrasına başlanılacaq..