Ukraynada yaşayan 32 yaşlı azərbaycanlı deputatlığa namizədliyini irəli sürüb.

Report-un məlumatına görə, 1987-ci il təvəllüdlü Fərhad Davud oğlu Quliyev Ukrayna Ali Radasına keçiriləcək növbədənkənar parlament seçkilərində iştirak üçün 39 saylı birmandatlı seçki dairəsinə sənədlərini təqdim edib.

Artıq Ukrayna Mərkəzi Seçki Komissiyası onun namizədliyini qeydə alıb.

Qeyd edək ki, F.Quliyev Ukraynanın Dneproprtrovsk vilayətində anadan olub. Heç bir partiyanın üzvü deyil. O, hazırda Kiyev Şəhər Dövlət Administrasiyasında İnşaat və mənzil təminatı departamentində məhkəmə və hüquq mühafizə orqanları ilə iş şöbəsinin müdiri vəzifəsində çalışır.

Xatırladaq ki, Ukraynada növbədənkənar parlament seçkiləri bu il iyulun 21-də keçiriləcək.