SOCAR İDEA İctimai Birliyi ilə bağlanmış Memoranduma əsasən yeni layihəyə start verib.

Axar.az xəbər verir ki, layihə çərçivəsində təhlükəli tullantı hesab olunan istifadə edilmiş elektrik batareyalarının toplanması nəzərdə tutulur.

Bakı şəhərində ali və orta təhsil ocaqlarında, eləcə də SOCAR-ın Ekologiya İdarəsində yerləşdirilmiş xüsusi dizayna malik qutular istifadəyə yararsız batareyaların toplanması üçündür. Bu batareyalar Ekologiya İdarəsinin Tullantıların İdarə Edilməsi Mərkəzinə təhvil verilir.

Layihə gənc nəslin tullantıların idarə edilməsi sahəsində biliklərini artırmaq və ümumilikdə ətraf mühiti mühafizə etmək məqsədi daşıyır.