Müstəqil Dövlətlər Birliyinin (MDB) üzvü olan ölkələrin yay mövsümündə fəal istirahət üçün dağ kurortlarının reytinqi açıqlanıb.

Trend-in məlumatına görə, Rusiyanın “TurStat” analitik agentliyi tərəfindən tərtib olunmuş reytinqdə belə kurortların ilk beşliyinə Azərbaycandakı Şahdağ Turizm Mərkəzi də daxil edilib.

Qeyd edək ki, ilk onluğa Şahdağ ilə yanaşı, Krasnaya Polyana (Soçi), Çimbulak (Almatı, Qazaxıstan), Krım dağları, Dombay (Qaraçay-Çərkəz Respublikası), Katun (Dağlıq Altay), Prielbrusye (Kabarda-Balkar), Şereqeş (Kemerovo vilayəti), Xibin (Murmansk vilayəti) və Karakol (Qırğızıstan) da daxil edilib.