Qəbul imtahanlarında yetərli bal toplaya bilməyən abituriyentlər xarici ölkələrə üz tuturlar.

Axar.az xəbər verir ki, bu sözləri təhsil eksperti Kamran Əsədov imtahandan kəsilən tələbələrlə bağlı danışarkən deyib.

Ekspert bildirib ki, gənclərin ən çox üstünlük verdiyi ölkələrdən biri Türkiyədir:

“15 minə yaxın soydaşımız təhsil məqsədilə Türkiyəyə gedib. Bu, onların hüququdur, amma məsələnin digər tərəfi var. Ölkəmizdə şagirdlər orta məktəbi bitirəndən sonra attestat alırlar. Amma attestatı ala bilməyənlər də olur. Onlar sonra saxta attestat ilə xarici ölkələrdə təhsil almağa üz tutur və 4 il sonra diplom alıb, gəlib ölkədə bu diplomu tanıtdırırlar. Təsəvvür edin ki, orta məktəbi bitirməyən şəxs ali təhsil diplomu ilə gəlir. Ona görə də Təhsil Nazirliyi diplomu tanıyarkən müraciət edənin orta məktəbi bitirməsi məsələsini də araşdırmalıdır”.

K.Əsədov bildirib ki, Türkiyə universitetləri bizim abituriyentlərimizin saxta sənəd və saxta imtahan nəticəsi təqdim etməsindən narazıdır.