Ana səhifə Toplum |
Güney Azərbaycanın Qaradağ meşələrində yanğın baş verib.
Axar.az xəbər verir ki, iki gün əvvəl başlanan yanğını hələ də söndürmək mümkün olmayıb.
Bölgədə kifayət qədər yanğınsöndürən texnika olmadığından əraziyə “Süngün” mis mədəninin fəhlələri cəlb olunub.
Yanğın zamanı meşənin 300 hektardan çox ərazisi məhv olub.
Şərqi Azərbaycan əyalətinin təbii fəlakətlər idarəsinin baş direktoru Məhəmmədbağır Hünərbər yanğını söndürmək üçün iki helikopterin Tehrandan yola düşdüyünü bildirib. Yanğının başvermə səbəbi kimi insan faktoru göstərilib. Hadisə ilə əlaqədar 3 nəfər saxlanılıb.
Qaradağ meşələri Şərqi Azərbaycanın şimalında yerləşir, onun 168 min hektar sahəsi var. Bölgənin ətraf mühiti üçün olduqca zəruri olan meşələrdə müxtəlif növ bitki və heyvan yaşayır.
Qeyd edək ki, Qaradağ meşəlikləri UNESKO tərəfindən mühafizə olunan qoruq seçilib.
Tarix
2019.08.22 / 14:11
|
Müəllif
Aynurə Məmmədova
|