Həmyerlimiz Turan Əliyev İsveç Krallığının Partille bələdiyyə məclisinin qərarı ilə 2020-2023-cü illər üçün Höteborq bölgə məhkəməsinə jüri üzvü seçilib.

Bu barədə Axar.az-a diaspor üzrə araşdırmaçı-ekspert Elnur Eltürk məlumat verib.

Onun sözlərinə görə, Höteborq, Öckerö, Harrida, Kunqalvs, Mölndals və Partille bələdiyyələri 800 min nəfər sakini əhatə edir:

"İsveç məhkəmə sistemində jüri üzvləri siyasi partiyalar tərəfindən namizəd göstərilir, bələdiyyə məclisi tərəfindən qəbul olunur. Lakin bu, siyasi vəzifə sayılmır.

Məhkəmə prosesində 3 jüri üzvü və 1 hakim qərarın verilməsində bərabər hüquqa və səs haqqına malikdirlər".

Qeyd edək ki, Turan Əziz oğlu Əliyev 1983-cü ilin 22 yanvar tarixində Naxçıvan Muxtar Respublikasının Babək rayonunun Qaraxanbəyli kəndində ziyalı ailəsində anadan olub.