Xəzər Rayon Polis İdarəsi əməkdaşlarının Bakının Şağan qəsəbəsində fəaliyyət göstərən Qərib Pir məscidində Azərbaycan şəhidlərinin fotoları əks olunan plakatları sökməsi ilə bağlı iddialar həqiqəti əks etdirmir.

Axar.az xəbər verir ki, bunu Bakı Şəhər Baş Polis İdarəsinin Mətbuat xidmətinin rəisi, polis mayoru Elşad Hacıyev bildirib.

O vurğulayıb ki, iddialar polisə qarşı təxribatdır, orda plakatların polis tərəfindən sökülməsi ilə bağlı hər hansı göstəriş olmayıb, yalandır:

"Bu qərəzli məlumatı yayanlar nəzərə alsınlar ki, polislər bu xalqın övladlarıdır, vətən uğrunda canını fəda edən şəhidlərimizin xatirəsi bizim üçün də əzizdir, müqəddəsdir".