Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
16 Sentyabr 2019


Putinə Bakıdan şanlı məktubu kim və niyə yazmışdı?

Ana səhifə Toplum
12 Punto 14 Punto 16 Punto 18 Punto

13:26

İki məsələni xüsusilə qeyd etmək istəyirəm. Birincisi, əslində, hökumətin müəyyən xarici qüvvələrə qarşı radikal olması ilə bağlı məsələdir. Hesab edirəm ki, hökumət radikal ola bilər, amma xaricdən idarə olunan, bəzən də “fit müxalifəti” adlandırdığım bu şəxslərə qarşı bütün cəmiyyət dözümsüz olmalıdır. Soruşa bilərsiniz ki, əlinizdə fakt varmı? Bəli var.

Axar.az xəbər verir ki, bu sözləri BAXCP sədri Qüdrət Həsənquliyev bu gün Ana Vətən Partiyasının təşəbbüsü ilə “Park İnn“ otelində “Azərbaycandakı siyasi proseslərə xarici müdaxilə meyilləri” mövzusunda keçirilən dəyirmi masadakı çıxışında deyib. O bildirib ki, prezident seçkilərində Rüstəm İbrahimbəyov Azərbaycana gəldi, iki il öncə ziyalıların dəyirmi masasını yaratdı, hamı bildi ki, hansı məqsədlə göndərilib, məqsədi nədir:

“Hamı toplaşdı onun başına və Putinə bir şanlı məktub da yazdılar. Məktubda onun böyük demokrat olduğunu da vurğuladılar və dəstək istədilər. Ancaq sonda nə oldu? Bir adam Rüstəm İbrahimbəyovdan soruşmamışdı ki, sənin Azərbaycan Respublikası vətəndaşlığın var, ya yox? Rüstəm İbrahimbəyov bu yaxınlarda açıqlamasında bildirib ki, Rusiya vətəndaşlığından məhrum edilmədiyi üçün çox şad olub”.

Q.Həsənquliyev daha bir misal çəkib və qeyd edib ki, bu yaxınlarda Əli Kərimlinin ABŞ-dakı ən fəal təbliğatçısı, vaxtilə AXCP-də beynəlxalq əlaqələr şöbəsinin müdiri olmuş Qorxmaz Əsgərov “Ayının əmisioğlu” adlı bir məqalə ilə çıxış edib:

“Məqalədə qeyd edir ki, biz prezident seçkilərində AXCP olaraq ona görə Etibar Məmmədovu müdafiə etdik ki, bunu bizə Milli Demokratiya İnstitutu tövsiyə etdi. Əgər bir siyasi partiyaya hansısa xarici qüvvə hansısa namizədi dəstəkləmək göstərişi verirsə, bu, birbaşa olaraq ölkənin daxili siyasətinə müdaxilədir. Biz bunlara qarşıyıq.

Qayıdaq radikallıq məsələsinə. Əli Əliyevin çıxışlarına qulaq asdım. Kifayət qədər sərt, radikal çıxışlar edir. Elə Pənah Hüseynov da. Sərdar Cəlaloğlu, elə sizin özünüzə qarşı da kifayət qədər sərt çıxışlar olur. Bəs niyə sizə qarşı o radikallıq yoxdur? Mənim məlumatıma görə, daxildən sizi hansısa qüvvələr yönəldir, bu normaldır, ancaq xaricdən sizi də yönləndirsələr, tək hökumət yox, başda mən olmaqla, bütün cəmiyyət sizə qarşı sərt mövqe sərgiləməli və dözümsüz olmalıdır.

Qaldı ki BMT-dən misal çəkdiniz, heç bir beynəlxalq sənəddə, o cümlədən sizin qeyd etdiyiniz BMT Nizamnaməsində üsyana çağırış yoxdur. Burada hökumətin qanunsuz, Konstitusiyaya zidd davranışlarına etiraz hüququndan söhbət gedir. Bu məsələyə sırf ekstremist yanaşmadır və cəmiyyətə neqativ mesajların ötürülməsidir. Pənah Hüseyn bildirdi ki, xaricdəki radikal davranış yeni bir müxalifət çıxardı ortalığa. Burdakılar xaricdəkilərlə işbirliyini açıq formada ortaya qoymaqdan qorxurlar. Amma onlar işbirliyi edirlər. Məsələn, Sevinc Osmanqızı ən sərt söyüşləri söyən birini çıxarmışdı efirə və onu az qala milli qəhrəman kimi qələmə verirdi. Bəs bu işbirliyi deyil, nədir? Bu, onların fəaliyyətinin təqdir edilməsi deyil, nədir? Bu işbirliyinin açıq şəkildə elan edilməməsi o demək deyil ki, onlar birlikdə deyil”.

Tarix
2019.09.11 / 14:15
Müəllif
Orxan Tağıyev
Şərhlər
Digər xəbərlər

Ordumuz 10 minlik heyətlə savaş təliminə başladı - Video

Prezident və xanımı yeni tədris kompleksinin açılışında - Foto

Azərbaycanda ilk dərs günü məktəbin tavanı çökdü - Foto

Sabahın hava proqnozu açıqlandı

“Tərəqqi” ilk dərs gününü belə qeyd etdi – Foto

“Forbes” Ələkbərovun şirkətini lider elan etdi

Mənsimovun “vurulan” gəmisi delfinlərlə yarışır - Video

Sabiq məmur acından ölür? – Yeni faktlar üzə çıxdı

Fuad Oqtay Bakıda: Mühüm iclas başladı

Əli Həsənovdan Bilik Günü ilə bağlı paylaşım

KULT
<>
Xəbər xətti
 
e-vetendash
  
  
  
  
  
  
  
  
  
Axar.az'da reklam Bağla
Reklam
Bize yazin Bağla