Bilik günü 15 sentyabr tarixinə təsadüf etsə də, yeni dərs ilinə bu gündən start verilib.

Axar.az xəbər verir ki, bu il ümumitəhsil müəssisələrində 1 525 016 şagird təhsil alacaq. Şagirdlərdən 714 259-u qız, 810 757-si isə oğlandır.

Bu il “birinci” olan şagirdlərin sayı isə 164 234 uşaqdır.

Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən ümumi təhsil müəssisələrində isə 414 844 şagird təhsil alacaq.

Yeni dərs ilinin başlaması münasibətilə bu gün bəzi məktəblərdə tədbirlər təşkil olunub. Ən maraqlı tədbirlərdən biri isə Nərimanov rayonunda yerləşən “Tərəqqi” liseyində baş tutub. Tədbirlə bağlı əvvəlcədən xüsusi proqram hazırlanıb. Liseyin bayram proqramından Real TV xüsusi reportaj təqdim edib.

Tədbirdə maraqlı və fərqli rəqs nömrələri də təqdim edilib.