Axar.az
Yuxarı

Axar.Az Logo

Bakı türkiyəlini Niderlanda verməkdən imtina etdi

Ana səhifə Toplum
12 Punto 14 Punto 16 Punto 18 Punto

Bakı Ağır Cinayətlər Məhkəməsində türkiyəli Gökhan Öztürkün Niderlanda ekstradisiyası ilə bağlı Azərbaycan Ədliyyə Nazirliyinin təqdimatına baxılıb.

Report-un xəbərinə görə, məhkəmə prosesində çıxış edən Gökhan Öztürk Bakıya üç günlük gəzməyə gəldiyini və hava limanında saxlanıldığını bildirib. Məhkəmə zamanı onun beynəlxalq axtarışa verildiyi bildirilib. Niderland Krallığı tərəfindən ekstradisiya üçün Azərbaycana göndərilən məktubda Gökhanın Niderland vətəndaşı olduğu, həmin ölkədə onun haqqında 180 günlük həbs hökmü çıxarıldığı göstərilib.

Gökhan Öztürk isə Türkiyə vətəndaşı olduğunu, Niderlanda göndərilməsini istəmədiyini deyib.

O bildirib ki, 2014-cü ildə onu Niderlanddan deportasiya ediblər. "1996-cı ildə evliliklə əlaqədar ora getmişəm. Həyat yoldaşım oranın vətəndaşı idi. Üç övladımız oldu. Mən orada müddətsiz oturum izni ilə yaşamışam. 2014-cü ildə məni deportasiya elədilər. Sonradan viza üçün müraciət etdim, rədd cavabı verdilər. Xanımım da Türkiyədə yaşamaq istəmədi, ona görə boşandı. Biləndə ki, artıq ora qayıda bilməyəcəm, Türkiyədə özümə yeni bir həyat qurdum, nişanlanmışam, toyum olacaq. Bakıya üç günlük gəlmişdim, bir aydan çoxdur burada qalmışam. Xahiş edirəm, məni təhvil verməyin".

Məhkəmənin sorğularına əsasən, Niderlandın Azərbaycandakı səfirliyi G.Özütürkün Niderland vətəndaşı olduğu, Türkiyə səfirliyi isə onun Türkiyə vətəndaşı olduğu cavabını verib.

Türkiyə səfirliyinin nümayəndəsi də məhkəmədə bunu təsdiqləyib.

Prosesdə Azərbaycan Baş Prokurorluğunun nümayəndəsi Gökhan Öztürkün ekstradisiyasına etiraz edib. Ədliyyə Nazirliyinin nümayəndəsi isə bu məsələni məhkəmənin öhdəsinə buraxıb.

Məhkəmə ekstradisiya ilə bağlı təqdimatı təmin etməyib.

Gökhan Öztürkə bildirilib ki, qərar qüvvəyə minəndən sonra sərbəst şəkildə Türkiyəyə gedə bilər.

Tarix
2019.10.15 / 14:17
Müəllif
Axar.az
Şərhlər
Digər xəbərlər

Ukrayna DİN: Torpaqlarımızı azad etməyə hazırıq!

Həyəcan təbili: Yoluxma sayı 500-ü ötsə...

Əsgərlərimizin çəkdiyi görüntü panika yaratdı – Video

Vilayət Eyvazov dünya çempionunu rəis təyin etdi

FHN-dən əhaliyə xəbərdarlıq

Xəzərdə dalğanın hündürlüyü 6 metrə çatır

Bakıda bədbəxt hadisə: Qadının başına dəmir düşdü - Video

Lənkəranda ötən il oğurluq edən şəxs tutuldu

Akardan Azərbaycan çıxışı: Bütün imkanlarımızla...

Ölkədə işləyən qadınların çoxu bu yaşda olanlardır - Nazirlik

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla