Millət vəkili Elmira Axundova Milli Məclisdə çıxışı zamanı pensiyaçıların ictimai nəqliyyatdan pulsuz istifadə etməsi təklifini irəli sürüb.

Axar.az xəbər verir ki, deputat bununla bağlı Əmək və Əhalinin Sosial müdafiəsi naziri Sahil Babayevə müraciət edib:

“Mən başa düşürəm ki, bu bilavasitə sizin məşğul olacağınız məsələ deyil. Amma siz ictimai nəqliyyatın təqaüdçülər üçün pulsuz olması haqda təşəbbüs irəli sürə bilərsiniz. Belə bir təcrübə Rusiya və Avropa ölkələrində tətbiq edilir. Nəzərə alaq ki, yaşlı vətəndaşlarımızın təqaüddən başqa gəlir yeri yoxdur. Əgər onlar növbəti ildən nəqliyyatdan pulsuz istifadə etsələr, bu onlara əsl Yeni il hədiyyəsi olardı”.