Rəsmi statistikaya əsasən, 1991-2018-ci illər üçün yol nəqliyyat hadisəsi zamanı ölən və yaralananların sayı 100 minə çatmaqdadır. Bu ili də əlavə etsək, 100 minlik hədd aşılacaq.

Axar.az xəbər verir ki, bu barədə məlumatı hüquqşünas, yol-nəqliyyat mütəxəssisi Ərşad Hüseynov bildirib.

Onun sözlərinə görə, ölkəmizdə müstəqillik illərində yol-nəqliyyat hadisələri üzrə statistik rəqəmləri təhlil edəndə dəhşətli mənzərə alınır:

“Ölənlər 25386 nəfər, yaralananlar (sağlamlığına ağır və ya az ağır zərər dəyənlər) 74413 nəfərdir. Sağlamlığına yüngül zərər dəyənlərin statistikası aparılmır. Bu bəla ilə hamı mübarizə aparmalıdır. Ən azından hər kəs özündən başlamaqla”.