Niderland Xarici İşlər Nazirliyi vətəndaşlarına Dağlıq Qarabağ bölgəsi və digər işğal altında olan Azərbaycan ərazilərinə səyahət etməməyi tövsiyə edir.

Bu sözləri Axar.az-a eksklüziv açıqlamasında Niderland Krallığının Azərbaycandakı səfiri Onno Kervers deyib. Onun sözlərinə görə, Niderland Xarici İşlər Nazirliyi vətəndaşlara dünya ölkələrinə səyahət tövsiyələri verir:

“Müəyyən ölkələrə səyahət edən vətəndaşların Xarici İşlər Nazirliyinin tövsiyələri ilə tanış ola biləcəyi bir veb sayt var. Burada Azərbaycanla bağlı tövsiyəyə nəzər yetirsəniz, Dağlıq Qarabağ bölgəsi və Dağlıq Qarabağ ətrafındakı işğal altında olan Azərbaycan ərazilərinə səyahət qırmızı rənglə işarələnib, yəni bu ərazilərə səyahət etməyin! Beləliklə, Niderland xalqına deyirik ki, Dağlıq Qarabağa getməməlisiniz. Və bildiririk ki, əgər oradasınızsa və problem yaşasanız, Niderland hökuməti sizə heç cür kömək edə bilməyəcək, çünki orada Niderland səfirliyi yoxdur”.