2014-cü ildə istehlakçıların pərakəndə ticarət şəbəkələrində xərclədiyi vəsaitin 50,1 faizi qida məhsulları, içkilər və tütün məmulatlarının, 18,7 faizi toxuculuq malları, geyim və ayaqqabıların, 1,4 faizi əczaçılıq və tibbi avadanlıqların, 17,4 faizi isə digər qeyri-ərzaq mallarının alınmasına sərf olunub.

Dövlət Statistika Komitəsindən AzərTAc-a bildiriblər ki, hesabat ilində elektron ticarət şəbəkəsində istehlakçılara 6,4 milyon manatlıq və ya əvvəlki illə müqayisədə 2,4 dəfə çox istehlak malları satılıb. Elektron ticarət dövriyyəsinin 94,6 faizini təşkil edən qeyri-ərzaq mallarının satışı əvvəlki ilin səviyyəsini 2,5 dəfə üstələyərək 6,1 milyon manata bərabər olub.