11:42

Ötən gün BDU-nun yataqxanasında zəhərlənərək ölən Fizika fakültəsinin 4-cü kurs tələbəsi, Qusar rayon sakini 1999-cu il təvəllüdlü Şəkər Faiq qızı Hasmətova dəfn mərasimində universitet rəhbərliyi və kollektiv iştirak edəcək.

Bu barədə Axar.az-a açıqlamasında BDU-nun mətbuat katibi Pərvanə İbrahimova deyib.

Qeyd edək ki, bir qədər əvvəl mətbuat katibi zəhərlənmə diaqnozu ilə xəstəxanaya yerləşdirilən iki tələbənin də vəziyyətinin artıq normallaşdığını bildirərək, yaxın günlərdə onların evə buraxılacağını söyləyib. P.İbrahimova bu gün səhər universitetin rektorunun və müşavirinin xəstəxanada tələbələrin yanında olduqlarını bildirib.

Xatırladaq ki, Bakı Dövlət Universitetinin (BDU) 2 saylı yataqxanasında zəhərlənmə baş verib. İlkin ehtimal kimi onların qidadan (konserv, suşi, kartof qızartması) zəhərləndiyi deyilib.

Qaldıqları yataqxanada huşsuz vəziyyətdə aşkarlanan qızlardan ikisi ağır vəziyyətdə xəstəxanaya çatdırılıb, tələbələrdən biri isə dünyasını dəyişib.