Bakı şəhəri, 302 saylı tam orta məktəbin akt zalında Ələt qəsəbə şəhidlərinin anım günü keçirilib.

Axar.az xəbər verir ki, “Örnək ömürlər” adlı ənənəvi tədbirdə Qaradağ rayonunun millət vəkili Aydın Hüseynov, Qaradağ icra başçısının qəsəbə nümayəndəsi, şəhid ailələri, məktəbin müəllim kollektivi, Qarabağ veteranları iştirak edib.

Tədbirdə şəhidlər anılıb, şəhidlərimizin gənc nəsilə örnək həyat yolundan danışılıb, məktəbli uşaqların əsgər geyimində vətənpərvər ruhlu çıxışları, şeirləri səslənib.

Sonda Aydın Hüseynov şəhid ailələri ilə ayrı-ayrılıqda görüşüb, onların qayğıları ilə maraqlanıb.
Qeyd edək ki, 302 saylı məktəb şəhid Əhməd Zeynallının adını daşıyır.