Bundan sonra "Bakcell" abunəçilərinə sms vasitəsilə spamlar gəlməyəcək.

Şirkətdən Axar.az-a verilən məlumata görə, mobil operator "Bakcell" MMC fevralın sonunadək SMS-spamdan müdafiə xidmətini istifadəyə verəcək.

Yeni xidmət SMS-in köməyi ilə reklam və informasiya xarakterli bütün mesajların abonentə daxil olması imkanının tamamilə qarşısının alınmasını nəzərdə tutur. Bunun üçün operator tərəfindən müəyyən edilmiş dördrəqəmli nömrəyə SMS göndərilməlidir. Abonentlər öz "ağ vərəq"lərini müstəqil formalaşdıra biləcək və oraya göndərişi almaq istədikləri şirkəti və ya bank strukturunu əlavə edəcəklər. Bunun üçün şirkətin adını göstərməklə müvafiq nömrəyə qısa mesaj göndərilməlidir.