Qondarma Dağlıq Qarabağ rejimi ilə ermənilər arasında qarşıdurmanın video görüntüləri yayılıb.

Axar.az Rst.az-a istinadən xəbər verir ki, görüntülər Yutub sosial şəbəkəsində yerləşdirilib.

Videoda Qarabağ millətçiləri ilə separatçılar arasında qarşıdurma əksini tapıb. 50-ə qədər avtomobillə Qarabağa gedən millətçilərin yolunu separatçılar kəsir. Mitinq iştirakçıları rejimin pilotsuz uçan aparatla aksiyada iştirak edənlərin görüntülərini əldə etdiyini və yaxın zamanlarda bundan onları həbs etmək üçün istifadə edəcəyini bildiriblər.

Qeyd edək ki, dünən Dağlıq Qarabağda Jerayr Səfilyanın başçılığı altında "rejimsiz 100 il" adlı aksiya keçirilmişdi. Aksiyada 50-yə yaxın avtomobil qatılmışdı. Daha sonra rejimin polisləri tərəfindən iştirakçılar və jurnalistlər dəyənəklərlə döyülmüşdülər.

Videonu təqdim edirik.