Bakıda avtomobil qəzası nəticəsində dünyasını dəyişən tələbə Anar Musayevin avtomobillərə böyük marağı olub.

Axar.az xəbər verir ki, 18 yaşlı A.Musayev sosial şəbəkədəki profilində tez-tez müxtəlif avtomobillərin fotolarını paylaşıb. Özünün idarə etdiyi “Mersedes S-Class” markalı avtomobilin fotosunu paylaşan gəncin qəzanı da məhz həmin avtomobillə keçirdiyi ehtimal edilir.

Xatırladaq ki, 24 noyabr tarixində 18 yaşlı Anar Musayev idarə etdiyi “Mersedes” markalı avtomobili elektrik dirəyinə vurub. O, idarəetməni itirdiyindən nəqliyyat vasitəsi qarşıdan gələn A.Şirəliyevin VAZ-2109 markalı avtomobilinə dəyib. Hadisə nəticəsində 18 yaşlı A.Musayev hadisə yerində ölüb.

Anar Musayev Azərbaycan Memarlıq və İnşaat Universitetinin II kurs tələbəsi olub.