Sumqayıt şəhərində iki yanğın hadisəsi baş verib. Şəhərdə ümumu sahəsi 250 kv.m olan vətəndaşa məxsus donuzçuluq fermasının dam örtüyü 100 kv.m sahədə yanıb.

"Axar.az" FHN-nin rəsmi saytına istinadən xəbər verir ki, yanğın zamanı fermanın içərisindən 149 baş donuz yanğınsöndürənlər tərəfindən xilas edilsə də, 1 baş donuz tələf olub. Yanğın söndürülüb və fermanın qalan hissəsi yanğından mühafizə olunub.

İkinci yanğın hadisəsi Sumqayıt şəhərində vətəndaşa məxsus "Mersedes" markalı mikroavtobusun mühərrik hissəsində olub. Mikroavtobusun qalan hissəsi yanğından mühafizə olunub. Yanğın saat 03:48-də yanğınsöndürənlər tərəfindən söndürülüb.

Baş verən yanğın hadisələri zamanı xəsarət alan olmayıb.