Bakıda sürücü yol-nəqliyyat qəzası törətdikdən sonra avtomobilini yandırıb.

Bu barədə Report-a Xətai rayon Polis İdarəsindən məlumat verilib.

Hadisə Babək prospektində qeydə alınıb. Prospektlə hərəkət edən "Şevrolet" markalı avtomobillə "Mercedes" toqquşub. Hələlik kimliyi məluma olmayan "Şevrolet"in sürücüsü qəzadan sonra maşındakı ehtiyat yanacağı avtomobilin üzərinə tökərək yandırıb. Hadisə yerinəFövqəladə Hallar Nazirliyinin Dövlət Yanğından Mühafizə İdarəsinin Xətai Rayon Hissəsinin canlı qüvvəsi və texnikası cəlb olunub. Yanan avtomobil söndürülüb. Polislər avtomobilinə od vurub yandıran sürücünü qaçmaq istəyərkən saxlayıblar. Sürücü ifadəsinin alınması üçün Xətai Rayon Polis İdarəsinə aparılıb. Faktla bağlı araşdırma aparılır.