Bu gün tanınmış jurnalist, hazırda həbsdə olan Əvəz Zeynallının doğum günüdür. Əvəz Tapdıq oğlu Zeynalov 1969-cu il dekabrın 16-da Göyçə mahalının Ağbulaq kəndində (Ermənistan Sovet Sosialist Respublikasının Krasnaselski rayonu) anadan olub.

1988-ci ildə Ermənistan SSR-dən digər azərbaycanlılarla birlikdə deportasiyaya məruz qalıb.

1988-1990-ci illər ərzində Sovet Ordusu sıralarında xidmət edib.

1991-ci ildə Türkiyə Respublikası Ankara Universiteti hüquq fakültəsinə daxil olub. Türkiyə Respublikasında olarkən Böyük Gələcək‖dərgisini nəşr etdirib.

1999-cu ildə Azərbaycana qayıdan Ə.Zeynallı müxtəlif qəzetlərdə çalışıb. 2002-ci ildən etibarən Xural qəzetinin təsisçisi və baş redaktorudur.

"Günaydın", "P.S.", "Millətin səsi" qəzetlərinin yazarı, "Vətəndaş həmrəyliyi" qəzetinin baş redaktoru olub.

2002-ci ildə "Xural" qəzetini yaradan və "Xural" qəzetinin baş redaktoru olan Əvəz Zeynallı 2011-ci il oktyabrın 28-dən həbsdədir.

Ailəlidir, iki qız övladı var. Həyat yoldaşı da jurnalistdir.