Hüquq-mühafizə orqanlarının falçıların həbsinə başlayacağı xəbəri təsdiqlənir.

Axar.az-ın bir müddət əvvəl yaydığı bu məlumat artıq reallaşmaqdadır. "Speys" ("Space") telekanalının aparıcısı, falçı İlham Mirzəyevin ardınca özünü "həzrət" sayan Sabir Abbasov da həbs olundu.

S.Abbasov da həmkarı İ.Mirzəyev kimi dələduzluqda ittiham olunur. ANS telekanalında tez-tez verilişə çıxan Həzrəti Sabirin həbsi ilə falçıların təftişinin yekunlaşmayacağı bildirilir. Əldə etdiyimiz məlumata görə, bundan sonra digər məşhur görücülər də məsuliyyətə cəlb oluna bilər.

Bu hadisədən sonra ANS-də "cin çıxaran" falçı Həsənin də istintaqa cəlb olunacağı iddia olunur.

Onu da deyək ki, Həzrəti Sabirin öz rəsmi saytı da fəaliyyət göstərir (http://hazretsabir.com/az)