Dərbənddə sarılıq xəstəliyi yayılıb.

Bu barədə Axar.az-a Dərbənd sakinləri məlumat verib.

Sakinlər artıq məktəblərdə karantin elan edildiyini bildiriblər. Xəstəliyin əsas səbəbi isə içməli suyun çirklənməsidir. Belə ki, hazırda Dərbənddə içməli su çatışmır. Buna görə də şəhərə içməli su Samur kanalından çəkilir. Şəhərə gələn borularda olan kirəc suyun çirklənməsinə səbəb olur.

Samur kanalından gələn su həmçinin çox zaman şəhərin yuxarı məhəllərinin su ilə təhcizatına imkan vermir. Buna görə də şəhər əhalisi çox zaman suyu almaq məcburiyyətində qalır.

Dərbəndlilər tədbir görülməyəcəyi təqdirdə yüzlərlə insanın xəstəliyə yoluxacağını söyləyirlər.