Ekologiya və təbii sərvətlər naziri Hüseyn Bağırov fevralın 20-də, saat 10:00-da Biləsuvar şəhərində yerləşən Yeni Azərbaycan Partiyasının inzibati binasında Biləsuvar, Cəlilabad, Salyan və Neftçala rayonlarında yaşayan vətəndaşları qəbul edəcək.

Nazirlikdən Axar.az-a verilən məlumata görə, qəbula gəlmək istəyən vətəndaşlardan qeydiyyatdan keçmək üçün Ekologiya və Təbii Sərvətlər Nazirliyinin 168 saylı "Qaynar xətt"i, həmçinin Cəlilabad Meşə Mühafizəsi və Bərpası Müəssisəsi ilə əlaqə saxlamaları xahiş olunur.

Xatırladaq ki, Dövlət Torpaq və Xəritəçəkmə Komitəsi ləğv edildikdən sonra səlahiyyətlərinin bir hissəsi Ekologiya və Təbii Sərvətlər Nazirliyinə verilib.