Azərbaycan Dövlət İqtisad Universitetinin tələbələri Kolumbiya Universitetində təhsil alacaq.

Universitetdən Axar.az-a verilən məlumata görə, Universitetlə ABŞ-ın Kolumbiya Universiteti arasında əməkdaşlıq müqaviləsi imzalanıb. Ancaq müqaviləyə əsasən, heç də bütün tələbələr bu fürsətdən yararlana bilməyəcək. Belə ki, ADİU-nun tələbələrindən hər semestr ancaq 25 tələbə bu imkandan faydalana biləcək. Kolumbiya Universitetində təhsil alacaq tələbələrin yüksək təhsil göstəriciləri 71 baldan yuxarı, ingilis dili biliyi isə yüksək səviyyədə olmalıdır.

Universitetlər arasında imzalanan müqaviləyə görə, ADİU tələbələri Kolumbiya Universitetində ancaq bir semestr təhsil almaq imkanı əldə edəcəklər. Həmçinin altı həftəlik yay məktəblərində də iştirak etmək imkanı qazanacaqlar.

Qeyd edək ki, tələbələrin təhsil haqqı da güzəştli olacaq.