Yol polisi radara görə sürücünü saxlamayacaq. Artıq polislə sürücü arasında ünsiyyətə son qoyulur.

Axar.az-ın xəbərinə görə, Bakıya yeni gətirilən BMV markalı Yol Polis Xidməti avtomobillərinə yerləşdirilən kameraların funksiyası bu əlaqənin kəsilməsinə səbəb olacaq. Yeni polis maşınlarının 6 kamerası var.

3 kamera ön, 2-si yan və bir kamera isə arxa hissəni çəkir. Kameraların hər biri videomüşahidəni yerinə yetirir. Yeni avtomobillər nömrə tanımaq sisteminə və radar funksiyasına malikdir.

Axtarışda olan nəqliyyat vasitəsini avtomatik olaraq özü müəyyən edir və bort-kompüterə məlumat ötürür. Kamera radar funksiyası ilə sürət həddini aşan avtomobili avtomatik olaraq qeydə alır və mərkəzi informasiya sisteminə ötürür.

Yeni YPX avtomobillərinin kameraları foto çəkmək qabiliyyətinə malikdir. Xatırladaq ki, Daxili İşlər Nazirliyinin sifarişi ilə 750-dən artıq yeni polis maşını Azərbaycanda istismara verilib.